L'Organisaziun dals pajais exportaders da petroli OPEC e ses partenadis èn sa cunvegnids da reducir la producziun da petroli per radund 10% il matg e zercladur. La finamira è da pudair stabilisar uschia il pretsch da petroli.
Ils ultims trais mais è il pretsch crudà da 60 dollars il butschin sin 21 dollars. La raschun è ch’i vegn duvrà durant la crisa da corona bler pli pauc petroli e che la Russia e l'Arabia Saudita sa chattavan en ina guerra da pretschs.
Sche questa decisiun ha er per consequenza ch’il benzin al tancadi vegn puspè pli char, n’è anc betg cler.
audio
Per tadlar: Las novitads da las 08:00 uras
ord Novitads dals 13.04.2020.
Maletg: Grafica RTR
laschar ir. Durada: 3 minutas 27 Secundas.