Legenda:
Gia ils 18 da schaner ha la terra stremblì a Montereale.
Keystone
cuntegn
Exteriur - Danovamain terratrembel en l'Italia Centrala
En l’Italia Centrala ha la terra stremblì. Quai en la regiun da L’Aquila. Tenor il servetsch seismologic talian haja il terratrembel gì ina fermezza da quatter sin la scala da Richter. Indicaziuns uffizialas davart blessads u donns na datti anc naginas.
Sco quai che la surveglianza da terratrembels naziunala INGV ha communitgà era il terratrembel las 4:13 e l'epicenter è stà en ina profunditad da 11 kilometers datiers dal vitg da Montereale, 20 km davent la chapitala da las Abruzzas L'Aquila.
Avant in mez onn ha cumenzà ina seria da grevs terratrembels en la regiun. Anc adina èn pliras milli persunas senza suttetg.
