La Brasilia vul intensivar las relaziuns da commerzi cun auters pajais. Quai ha annunzià il nov president Jair Bolsonaro al Forum mundial d’economia a Tavau. Plinavant veglia el sbassar las taglias e privatisar interpresas statalas. Er vul Bolsonaro intensivar il cumbat cunter la corrupziun.
La Brasilia haja bleras resursas natiralas che possian vegnir nizzegiadas a moda economica. Quai però senza periclitar la biodiversitad, uschia il nov president.
RR novitads 18:00
