Siglir tar il cuntegn

Header

video
Germania: Discurs da coaliziun tranter Verds, SPD e FDP
Or da News-Clip dals 15.10.2021.
abspielen. Laufzeit 15 Sekunden.
cuntegn

FDP, SPD e Verds Discurs da coaliziun cumenzan

Ins veglia furmar ina coaliziun d'ampla, quai communitgescha il candidat per il post da chancelier tudestg, Olaf Scholz, ensemen cun ils schefs da las trais partidas SPD, FDP e la Partida dals Verds.

En ils discurs da sondagi han las partidas elavurà in document da 12 paginas. Tranter auter na duaja la taglia betg vegnir augmentada ed i duaja dar «superamotisaziuns per investiziuns en la protecziun dal clima».

I exista la libertad d'acziun fiscala per quai ch'è necessari.
Autur: Olaf Scholz candidat per il post da chancelier tudestg

Subvenziuns ed expensas «nunnecessarias, ineffectivas u nuschaivlas per il clima» duajan vegnir examinadas. Plinavant duai la paja minimala vegnir auzada sin 12 euros ed i duai dar 400'000 novas abitaziuns per onn. Er Hartz IV duai vegnir abolì – enstagl duai dar in nov sustegn per ils burgais ils pli povers.

La nova regenza duai esser pronta avant Nadal, di Scholz. Ils schefs da las partidas ston uss dumandar lubientscha tar lur gremis per pudair cumenzar il glindesdi cun ils discurs da coaliziun.

audio
Per tadlar curt e cumpact
aus RTR Audio vom 15.10.2021.
abspielen. Laufzeit 1 minuta 20 Sekunden.

RTR novitads 16:00

Artitgels legids il pli savens

Scrollar a sanestra Scrollar a dretga