La Frantscha festivescha ils 14 da fanadur sia festa naziunala, en il pajais vischin èsi perquai firà. Actualmain è la parada militara en la chapitala da Paris sin la Champs-Élysées suenter suondan festivitads en tut il pajais.
-
Bild 1 von 6. Parada da militar sin la Champs-Èlisées. Bildquelle: Keystone.
-
Bild 2 von 6. Bildquelle: Keystone.
-
Bild 3 von 6. Il president da l'Indonesia Prabowo Subianto ed il president franzos Emmanuel Macron. Bildquelle: Keystone.
-
Bild 4 von 6. Bildquelle: Keystone.
-
Bild 5 von 6. Bildquelle: Keystone.
-
Bild 6 von 6. Bildquelle: Keystone.
Giudair in di liber
Clara Vallois è creschida si datiers da Paris cun ina mamma da Sent. La Franzosa giauda il di da firà amez la stad. Savens ha ella prendì part a las festivitads en la chapitala franzosa – tradiziunalmain vegnia lura fatg in picnic da cuminanza e bavì ina buna butteglia vin. I saja mintga onn ina gronda truscha da glieud ma bella atmosfera cun fieus artifizials e concerts. Quest onn è Clara Vallois però en vacanzas en in pitschen lieu en il sid da la Frantscha e festivescha in zic pli pitschen la fête nationale. Forsa saja la festa da quest onn plitost da cumparegliar cun la festa naziunala svizra a Sent. En pli declera Clara Vallois che sia mamma saja adina en Svizra il prim d'avust per festivar la festa naziunala. Er per la figlia Clara saja quai ina bella tradiziun.
Sin tribuna enstagl da far gronda festa
Gia dapi intgins onns viva e lavura il musicist ed actur sursilvan Mario Pacchioli en Frantscha. Actualmain è el ad Avignon sin la tribuna dal festival da teater dad Avignon gioga el in toc da teater. El stat sin tribuna cun il toc «Ni Brel ni Barbara» ch'els han er gia giugà a Cuira. Uschia hai num per Mario Pacchioli da lavurar enstagl da far liber e festivar la festa naziunala.