In’emna suenter l’incendi da la catedrala da Nantes en Frantscha ha in um confessà dad esser responsabel per il fieu. Il gidanter da l’uvestgieu haja mess il fieu intenziunadamain, rapporta «Radio France». L’um da 39 onns era gia vegnì arrestà avant in’emna; silsuenter dentant puspè laschà liber.
La notg da l’incendi era el responsabel per serrar la porta da la catedrala. Tar l’incendi la fin d’emna passada era tranter auter la orgla principala da la catedrala vegnida donnegiada dal tuttafatg.
Ord l'archiv
video
Incendi en la catedrala da Nantes
Or da Tagesschau dals 18.07.2020.
laschar ir. Durada: 1 minuta 8 Secundas.
