Siglir tar il cuntegn

Header

cuntegn

Fin 2040 G7 na vul nagin rument da plastic pli

Anc 17 onns. Lura na duai betg dar pli rument da plastic en la G7, la cuminanza da 7 naziuns industrialisadas dal Vest. Quai han las naziuns decidì dumengia.

Cun quai duai il tartagnament da l'ambient tras rument da plastic vegnir reducì. I vegn schazegià ch'i cula numnadamain 12,7 milliuns tonnas plastic per onn en las mars.

Microplastic
Legenda: Rument da plastic a la riva da la mar a Senegal. Il plastic resta sur onns en l'ambient e donnegia peschs ed organissems en la mar. Keystone

Cuntanscher questa finamira veglian els cun engrondir anc dapli l’economia circulara. En pli duajan plastic a diever unic e plastic betg reciclabel vegnir scumandads per gronda part. A l’inscunter han las ministras ed il ministers plinavant decis da promover anc dapli energias regenerablas.

La G20, in'ulteriura, pli gronda cuminanza da naziuns industrialisadas, ha sumegliantamain decis da dustar rument da plastic fin 2050.

Artitgels legids il pli savens