Siglir tar il cuntegn

Fominas ONU rapporta che 900'000 persunas cumbattan per il surviver

Il directur dal program alimentar mundial tschantscha d'in «incendi da surfatscha». 349 milliuns persunas n'han betg avunda da mangiar, e bunamain in milliun da quels ston cumbatter perquai per la vita.

Las crisas actualas promovian anc la crisa da la fom. La stgaudada dal clima, l'inflaziun e la guerra en l'Ucraina tutgian la populaziun da pajais paupers. Quai rapporta il manader dal program d'alimentaziun mundial da l'ONU Martin Frick.

Fertilisader pli char e perquai dapli fominas

Il pretsch da fertilisader è s’augmentà per 184% ils ultims dus onns, er pervia da la guerra. Quai influenzescha il provediment da mangiativas: ins haja racoltà 2,4% pli pauc furment, ris, soja e tirc. E cun quels 2,4% avess'ins pudì nutrir 282 milliuns persunas, tenor il manader dal program alimentar mundial.

RTR novitads 12:00

Artitgels legids il pli savens