Germania - Nagina cunvegna en connex cun tractativas da paja

En Germania han las tractativas da paja per il persunal dal servetsch public almain per il mument fatg naufragi. Er en la terza runda da las tractativas n’haja dà nagina cunvegna. Quai han communitgà ils sindicats. Ils ultims trais dis han patruns e sindicats empruvà da chattar in cumpromiss pertutgant las pajas da 2,5 milliuns emploiadas ed emploiads. Las tractativas èn stadas accumpagnadas da grondas chaumas. Tenor ils sindicats pudessi uss dar ina mediaziun independenta u ina consultaziun da la basa cun ulteriuras chaumas.