In pledader da la dretgira da Nara en l'ost dal Giapun ha confermà che la procura publica ha accusà l'assassin suspectà da Shinzo Abe. Abe, anteriur primminister dal Giapun, è mort suenter in'attatga durant il cumbat electoral il fanadur passà a Nara.
Il suspectà Tetsuya Yamagami è vegnì arrestà gist suenter l'attatga. In'expertisa psicologica mussia che l'um possia vegnir fatg responsabel per l'attatga. L'um da 42 ans ha concedì l'acziun. El ha inditgà d'avair agì or da odi cunter la communitad religiusa Moon, tar la quala Abe haja gì colliaziuns.
