- Suenter in grev terratrembel han las autoritads giapunaisas abolì l'avertiment da tsunami.
- Entant crescha il dumber d'unfrendas ad in crescher. Las autoritats discurran entant da 62 persunas mortas e passa 300 blessadas.
- Las forzas da salvament han fadia d'insumma cuntanscher las regiuns pertutgadas.
- Passa 97'000 han stuì bandunar lur chasas. Anc adina èn 46'000 evacuadas.
- Radund 32'000 chasadas èn senza forza electrica.
Suenter la seria da terratrembels en il Giapun na datti nagin privel da tsunamis pli. Perquai han las autoritads abolì l’avertiment. Blers bajetgs sajan sballunads, i brischia anc en divers lieus e vias sajan vegnidas donnegiadas.
Per las forzas da salvament saja ina sfida d’insumma vegnir en las regiuns pertutgadas. Il pli ferm terratrembel ha gì ina fermezza da 7,6. Cunzunt pertutgada è la prefectura Ishikawa sin l’insla principala Honshu.
-
Bild 1 von 12. Chasas sballunadas a Wajima. Bildquelle: Keystone.
-
Bild 2 von 12. In segn da SOS a Wajima, fatg cun sutgas da faudar. Bildquelle: Keystone.
-
Bild 3 von 12. Bajetg cupitgà a Wajimaq. Bildquelle: Keystone.
-
Bild 4 von 12. Bildquelle: Keystone.
-
Bild 5 von 12. Vista or da l'aria sin il port da Wajima. Bildquelle: Keystone.
-
Bild 6 von 12. In aviun da l'uniun aviatica giapunaisa, ch'è apparentamain collidà cun in aviun da la guardia da la costa. 5 persunas da la guardia da costa èn mortas. Bildquelle: Keystone.
-
Bild 7 von 12. Policists a la tschertga da persunas sepulidas a Wajima. Bildquelle: Keystone.
-
Bild 8 von 12. Ina via destruida a Kanazawa en la prefectura Ishikawa il mardi. Bildquelle: Keystone.
-
Bild 9 von 12. Wajima ils 2 da schaner 2024. Bildquelle: Keystone.
-
Bild 10 von 12. Wajima en la prefectura Ishikawa. Bildquelle: Keystone.
-
Bild 11 von 12. Bildquelle: Keystone.
-
Bild 12 von 12. Suzu en la prefectura Ishikawa. Bildquelle: Keystone.
Il terratrembel è stà betg lunsch sut la surfatscha. El è anc stà da badar a Hokkaido en il nord dal Giapun, ed a Kyushu en il sid. En las ovras atomaras en il pajais na dettia nagins incaps, ha la regenza annunzià.
Il stadi insular sa chatta sin la Tschinta da fieu dal Pacific, la regiun ch'è tectonicamain la pli activa dal mund.