Siglir tar il cuntegn

Header

cuntegn

Giapun Ferm terratrembel davant la costa, dentant nagin tsunami

  • Suenter in grev terratrembel han las autoritads giapunaisas abolì l'avertiment da tsunami.
  • Entant crescha il dumber d'unfrendas ad in crescher. Las autoritats discurran entant da 62 persunas mortas e passa 300 blessadas.
  • Las forzas da salvament han fadia d'insumma cuntanscher las regiuns pertutgadas.
  • Passa 97'000 han stuì bandunar lur chasas. Anc adina èn 46'000 evacuadas.
  • Radund 32'000 chasadas èn senza forza electrica.

Suenter la seria da terratrembels en il Giapun na datti nagin privel da tsunamis pli. Perquai han las autoritads abolì l’avertiment. Blers bajetgs sajan sballunads, i brischia anc en divers lieus e vias sajan vegnidas donnegiadas.

Per las forzas da salvament saja ina sfida d’insumma vegnir en las regiuns pertutgadas. Il pli ferm terratrembel ha gì ina fermezza da 7,6. Cunzunt pertutgada è la prefectura Ishikawa sin l’insla principala Honshu.

Il terratrembel è stà betg lunsch sut la surfatscha. El è anc stà da badar a Hokkaido en il nord dal Giapun, ed a Kyushu en il sid. En las ovras atomaras en il pajais na dettia nagins incaps, ha la regenza annunzià.

Il stadi insular sa chatta sin la Tschinta da fieu dal Pacific, la regiun ch'è tectonicamain la pli activa dal mund.

video
Tagesschau dals 01-01-2024
Or da Tagesschau dals 01.01.2024.
laschar ir. Durada: 3 minutas 25 Secundas.

RTR novitads 09:00++

Artitgels legids il pli savens