Bunamain 300 milliuns persunas han consumà drogas il 2021. Entaifer in decenni è il dumber da consuments e consumentas da drogas creschì per 23 pertschient. Quai demussa in rapport da l'ONU. Mo la mesadad dal augment da consuments da drogas possia ins declerar cun la creschientscha da la populaziun mundiala. Quai scriva il Biro da l'ONU per cumbatter drogas e criminalitad.
En ses rapport avertescha l'uffizi d'adina dapli drogas sinteticas sco meth-amfetamin e fentanyl. Ed i dettia era bler novas substanzas sin il marcau. La producziun da quellas saja sempla, sperta, e custia pauc. Quest sectur da la producziun da drogas saja fetg flexibel e perquai pli grev da scuvrir per la polizia che la producziun da cocain ni heroin.
audio
Per tadlar: las novitads da las 07:00
ord RTR Audio dals 26.06.2023.
laschar ir. Durada: 4 minutas 43 Secundas.
