Siglir tar il cuntegn

Header

Navigaziun

cuntegn

Gran Canaria Evacuà millis d'umans pervi da fieu

Il nov incendi da guaud sin l'insla Gran Canaria è daventà incontrollabel.

Il fieu en il center da l'insla da vacanzas spagnola ha devastà dapi la sonda gia 3'400 hectaras terren, uschia communitgeschan las autoritads. Entant hajan 8'000 persunas en il sidvest da la chapitala Las Palmas stuì vegnir evacuadas.

Periclitads sajan era ils enconuschents guauds da tieus en il parc naziunal Tama-daba che giascha en il reservat da biosfera da l'UNESCO. Turists a las rivas n'èn per il mument anc betg pertutgads direct dals fieus.

Passa 600 pumpiers ed 11 aviuns u helicopters da stizzar sajan en acziun. Ferm vent e chalur engrevgeschan il cumbat cunter las flommas.

RR novitads 10:00