Siglir tar il cuntegn

Header

Navigaziun

Boris Johnson
Legenda: Boris Johnson è vegnì beneventà oz da la Queen. Keystone
cuntegn

Gronda Britannia La Queen beneventa Johnson

Il nov primminister da la Gronda Britannia Boris Johnson è vegnì beneventà oz suentermezdi da la Queen Elisabeth.Ella ha nominà el uffizialmain sco nov primminister ed ha surdà ad el l'incumbensa da furmar ina nova regenza. En il fratemp han plirs ministers da la regenza actuala annunzià lur demissiun, tranter auter il vice-primminister David Lidington, il minister da finanzas, il minister da giustia sco er il minister dal agid al svilup. Els tuts èn enconuschents per lur tenuta positiva envers l'Uniun Europeica.

Vitiers han divers commembers dal cabinet demissiunà cura ch'ì è vegnì enconuschent che Boris Johnson daventa nov primministers. Tenor plirs rapports da medias englaisas vegn spetgà che Johnson furmà sia nova regenza cun dus terzs hardliners dal Brexit. Gia ier saira ha Johnson annunzià ch'el veglia sortir ils 31 d'october or da l'Uniun Europeica – quai cun ni senza in deal.

RR novitads 17:00