En la Gronda Britannia han ins commemorà cun ina minuta da silenzi als radund 100 medis e medias e persunal da tgira ch'èn morts pervi dal coronaviurs. La regenza ha communitgà da sustegnair finanzialmain las famiglias da las unfrendas. Era il primminister Boris Johnson ha prendì part. Johnson ha suenter la guariziun dal Covid-19 puspè cumenzà in di avant en la Downing Street.
Memia pauc equipament da protecziun
A la Gronda Britannia manca surtut equipament da protecziun en il cumbat cunter corona. Persunas che lavuran en il sectur da sanadad crititgeschan ch'ellas na pon betg sa proteger avunda dal coronaviurs i mancan surtut mascras e scussals spezials.