Mesemna avevan ils 133 cardinals cumenzà il conclave – e gia suenter 2 dis èni sa decidids. Il fim alv dal chamin da la chaplutta sixtina ha annunzià l'elecziun dal proxim pontifex a las 18:08. Suenter l'elecziun ha il cardinal Robert Francis Prevost declerà d'acceptar l'elecziun. Silsuenter absolveschan tut ils cardinals l'engirament d'omagi e d'obedientscha. Lura è'l sa vestgì en alv per sa mussar a la populaziun.
Il cardinalprotodiacon Dominique Mamberti ha annunzià il «habemus papam» da la loggia principala dal dom da son Peder ed annunzià l'elecziun dal cardinal american Robert Francis Prevost. El vul sa numnar Leo XIV.
Là ha il nov papa fatg ses emprim pled e l'emprima benedicziun «urbi et orbi»: sco uvestg da Roma per sia citad («urbi») – e sco pontifex per tuts cartents e cartentas da la baselgia catolica sin l'entir mund («orbi»). Quai cun l'appell che la pasch possia cuntanscher tuts e dapertut sin l'entir mund.
-
Bild 1 von 6. Bildquelle: Reuters.
-
Bild 2 von 6. Cardinal Robert Francis Prevost – ussa papa Leo XIV. Bildquelle: SRF live.
-
Bild 3 von 6. Bildquelle: Reuters.
-
Bild 4 von 6. Bildquelle: SRF live.
-
Bild 5 von 6. Bildquelle: SRF live.
-
Bild 6 von 6. Bildquelle: Reuters.
Il mund sa legra
Grond applaus ed acclamaziun ha papa Leo XIV survegnì tar sia emprima cumparsa sin la loggia principala dal dom da son Peder. Da tuts cartents e cartentas sin la plazza, però era da politichers e politicras ch'han reagì. Il papa n'è betg mo uvestg da Roma e pontifex per tut ils 1,4 milliardas cartents e las cartentas roman-catolicas sin l'entir mund, mabain era il manader dal stadi Vatican.
La presidenta da la Confederaziun, cussegliera federala Karin Keller-Sutter. Il mund dovria speranza e fidanza.
La presidenta da la cumissiun da l'Uniun europeica Ursula von der Leyen giavischa che ses pontificat vegnia manà da sabientscha e fermezza cun ses engaschi per la pasch ed il dialog.
La primministra taliana Giorgia Meloni ha gratulau a l'elecziun e suttastritga l'appel a pasch da papa Leo XIV. In appel a pasch fraternitad e responsabladad impurtant tenor Meloni, cunzunt da temps da cunflicts ed intschertezzas.
Il schef da la regenza spagnola Pedro Sánchez e giavischa che ses pontificat gidia a rinforzar il dialog e defender ils dretgs umans en in mund che dovra speranza ed unitad.