Il turnier da tennis internaziunal da dunnas a Hongkong è vegnì spustà pervia da las demonstraziuns che cuntinueschan. Quai han communitgà la federaziun da tennis da Hongkong ed il sindicat dal tennis da dunnas WTA. Ina nova data per il turnier n'è betg vegnì numnà.
Il turnier da las dunnas fiss oriundamain stà planisà dals 5 fin ils 13 d'october. Quai è be curt suenter il di da la festa naziunala da la China, il 1. d'october. Per il 70avel anniversari da republica populara da la China, vegnan spetgads gronds protests a Hongkong. A Peking percunter vegnan quel di ad avair lieu ina enorma parada da militar ed ulteriuras festivitads.
Damain turists pervi da demonstraziuns
Ils protests cunter la regenza e l'influenza da la China han entant tutgà grevamain il turissem ed il commerzi en detagl en la regiun d'administraziun speziala HongKong. Sulet l'avust sajan vegnids 45% damain turists, ha ditg il ministeri da commerzi.
Ord l'archiv:
RR novitads 08:00
