Siglir tar il cuntegn

Header

video
Hurican «Ida» arriva a Louisiana
Or da Tagesschau dals 29.08.2021.
laschar ir
cuntegn

Hurican sur Louisiana Hurican «Ida» chaschuna gronds donns

  • Hurican «Ida» ha chaschunà gronds donns en il stadi federativ da Louisiana. Almain ina persuna è morta pervi dad ina planta derschida.
  • A Louisiana e Mississippi èn dapli ch'in milliun persunas senza current electric.
  • En il fratemp è il hurican vegnì degradà en la categoria 1.

«Ida» è ier dumengia da mezdi fruntà sin terra franca en il sidvest da la metropola da New Orleans. Quai sco hurican da la categoria 4 da 5 cun fermezzas da vent da 240 kilometers per ura. Entant è el sa flaivlentà sur terra e vala anc sco hurican da la categoria 1.

Tenor indicaziuns uffizalas saja ina persuna vegnida sturnida d'ina planta derschida. En la Louisiana èn gia bunamain 750'000 chasadas senza current electric. Tranter auter saja l’entira forza electrica dada ora en la metropola da New Orleans. Chasas e vias sajan sut aua.

Quant gronds ch’ils donns èn la finala, na possian ins anc betg dir. Il president american Joe Biden ha annunzià agid per las regiuns pertutgadas. La devastaziun tras il hurican saja probabel immensa.

RTR novitads 06:00

Artitgels legids il pli savens

Scrollar a sanestra Scrollar a dretga