-
Bild 1 von 9. Notre-Dame il di suenter l'incendi. Bildquelle: Keystone.
-
Bild 2 von 9. La catedrala suenter l'incendi. Bildquelle: Keystone.
-
Bild 3 von 9. La Notre-Dame la damaun suenter. Bildquelle: Keystone.
-
Bild 4 von 9. Sguard en l'interiur da la catedrala. Bildquelle: Keystone.
-
Bild 5 von 9. Bildquelle: Keystone.
-
Bild 6 von 9. Cun cumparegliar la grondezza dal pumpier pon ins constatar la dimensiun da la catedrala. Bildquelle: Keystone.
-
Bild 7 von 9. Bildquelle: Keystone.
-
Bild 8 von 9. Il tetgom-baselgia en flommas. Bildquelle: Keystone.
-
Bild 9 von 9. Notre-Dame. Bildquelle: MAD, SRF.
L'artist e musicist Mario Pacchioli viva a Paris. El era en la citad cura ch'igl ha cumenzà a brischar ed ha vis il fim. L'emprim mument ha el be vis il fim e na saveva anc betg tge ch'era capità.
Dapi ils attentats na sai jeu betg far auter che pensar «betg schon puspè».
Mario Pacchioli ha vis ils attentats fitg datiers e sco ch'igl è inquiet en la citad èn attentats l'emprim patratg. Cura ch'igl è dentant stà cler per el ch'i saja la catedrala da Notre-Dame è ses emprim sentiment stà tristezza. Er perquai che la catedrala è per el il cor, il bijou da Paris – insatge che tutga simplamain vitiers.
Natiralmain è la Notre-Dame uss er IL tema en l'entira Frantscha. Mario Pacchioli è il mument ad Avignon ed er là dettia be quest tema e mintgin vul esser sin il current e savair, tge ch'è capità. Mario Pacchioli ha er gì contact cun collegas ch'èn a Paris ed èn stads al lieu.
I regiva in'atmosfera ruassaivla, bunamain da malencurada, tge ch'è er chapaivel.
Malgrà ils gronds donns saja per el sco abitant da Paris ussa impurtant che la catedrala vegnia puspè reconstruida. Per ch'ella possia lura er puspè daventar il cor, il bijou da la chapitala franzosa.
-
Bild 1 von 5. André Simonazzi, pledader dal Cussegl federal:. En num dal Cussegl federal veglia (Ueli Maurer) exprimer sia cumpassiun e sia tristezza da vesair ch'il monument da Paris giaja si en flommas. Bildquelle: Keystone / Twitter.
-
Bild 2 von 5. Il president da la cumissiun europeana Jean-Claude Juncker:. En ils patratgs saja el minuta per minuta pro l'incendi. Bildquelle: Keystone/ Twitter.
-
Bild 3 von 5. President american Donald Trump:. I saja terribel da vesair ils fieus massivs tar la catedrala. Forsa as stoppia duvrar aviuns da stizzar per stizzar il fieu. Bildquelle: Keystone / Twitter.
-
Bild 4 von 5. Alessandro Gisotti, pledader dal papa:. Il papa uria per ils catolics franzos e cun la populaziun da Paris, che stettia sut schoc. Bildquelle: Keystone / Twitter.
-
Bild 5 von 5. Primministra da la Gronda Britannia Theresa May:. Ses patratgs sajan tar la populaziun da la Frantscha e tar las persunas che cumbattan cunter las flommas. Bildquelle: Keystone / Twitter.
RR novitads 20:00