Siglir tar il cuntegn

Header

video
Merkel: «Ein wichtiges Signal über Europa hinaus»
Or da News-Clip dals 21.07.2020.
laschar ir
cuntegn

Inscunter suprem a Brüssel Pachet da corona sut tetg

Ils stadis commembers da l’Uniun europeica èn sa cunvegnids sin il pli grond pachet da budget e da finanzas da lur istorgia en il cumbat cunter la crisa da corona. Ils 27 pajais commembers hajan acceptà il cumpromiss oz a bun’ura a Brüssel suenter passa quatter dis da tractativas. Quai ha communitgà il president dal cussegl da l’UE, Charles Michel sin twitter.

Il pachet cumpiglia en tut 1,8 billiuns euros. Passa 1’000 milliardas da quels van al budget dals proxims 7 onns e 750 milliardas euros van ad in program da conjunctura ed investiziuns cunter las consequenzas da la pandemia.

Frantscha e Germania cuntentas

Il president franzos Emmanuel Macron ha ludà la cunvegna sco gronda prestaziun. En quest connex discurra el sin Twitter dad in di istoric per l'Europa. Ensemen cun la chanceliera tudestga Angela Merkel era Macron sa mess en per quest program per far frunt a la crisa da corona.

Angela Merkel è sa mussada levgiada dal cumpromiss chattà. I saja ì persuenter da demonstrar resolutezza. Quai na saja però betg stà simpel. Decisiv saja la finala ch'ils stadis commembers sajan tuttina vegnids perina.

RTR novitads 06:00

Artitgels legids il pli savens

Scrollar a sanestra Scrollar a dretga