Siglir tar il cuntegn

Header

cuntegn

Israel Tribunal abolescha ina part da la refurma da giustia

Il tribunal suprem ha refusà il coc da la refurma da giustia dispitaivla dal primminister Benjamin Netanjahu. Cun 8 cunter 7 vuschs ha il tribunal decis d’annullar ina midada da la lescha ch’è vegnida approvada la stad passada.

Quella avess privà il tribunal suprem da la pussaivladad da refusar decisiuns da la regenza che na sajan betg commensuradas. La midada da la lescha avessi donnegià la democrazia dal stadi Israel a moda gravanta. Sur mais han millis da persunas demonstrà cunter la refurma da giustia dispitaivla.

La partida dretg-conservativa dal primminister Benjamin Netanjahu ha crititgà la decisiun dal tribunal. Quella cuntradia a la veglia dal pievel per unitad, surtut en temp da guerra, hai num en ina communicaziun.

Proteste
Legenda: Protests cunter la refurma da giustia a Tel Aviv ils 24 da fanadur Keystone

Il moviment democratic percunter ha ludà la decisiun dal tribunal suprem. Quella saja «istorica». Il tribunal haja uschia ademplì ses duair, numnadamain da proteger ils burgais e las burgaisas da l’Israel.

RTR novitads 08:00

Artitgels legids il pli savens