L’Italia ha commemorà las unfrendas dal grond terratrembel a L’Aquila d’avant 10 onns. Il president talian Sergio Mattarella ha ditg che las stentas per la reconstrucziun stoppian vegnir intensifitgadas. La glieud haja in dretg sin sia citad. La reconstrucziun saja anc adina ina sfida naziunala ed i dettia anc bler da far.
La notg sin sonda ha gì lieu in cortegi cun faclas tras la citad da L'Aquila. Er il primminister Giuseppe Conte è stà da la partida. A las 03:32 – il temp dal terratrembel – èn vegnids prelegids ils nums da tut las unfrendas accumpagnà da tuttina blers suns dal zain.
Tar il terratrembel dals 6 d’avrigl d’avant 10 onns eran mortas 309 persunas. Bleras chasas en la regiun Abruzzas èn anc adina destruidas.
RR novitads 15:00
