Siglir tar il cuntegn

Header

Purtret da Jeremy Corbyn.
Legenda: Il schef da la partida Labour, Jeremy Corbyn vul ch'i vegnia votà anc ina giada davart il Brexit. Keystone
cuntegn

Exteriur Labour vul segund referendum da Brexit

En la Gronda Britannia duai il suveran anc ina giada pudair votar davart il Brexit. I duaja pia dar in segund referendum. Quai vul la pli gronda partida d'opposiziun Labour. Il schef da partida Jeremy Corbyn infurmeschia anc oz ils deputads davart quest pass.

Cun quest pass vul Jeremy Corbin, sco quai ch'el di evitar ch'i vegnia sfurzà si als Brits in «Tory»-Brexit nuschaivel, pia in Brexit decidì da la partida da la primministra Theresa May. Per questa raschun saja la partida da Labour pronta da sustegnair in segund referendum, ha ditg Corbyn.

Mesemna vegn il parlament da la Gronda Britannia ensemen per discutar e votar davart il proceder da sortir da l'Uniun europeica. Deputadas e deputads proponan lura co els vulan midar la cunvegna da Brexit. Tranter auter datti er propostas che prevesan in segund referendum.

RR novitads 20:00