Siglir tar il cuntegn

Header

Markus Söder ed Angela Merkel.
Legenda: La chanceliera Angela Merkel ed ils primministers dals Bundesländer han decis mesiras drasticas per ils dis da Pasca. Keystone
cuntegn

Lockdown sever Ils Tudestgs ston star a chasa sur Pasca

Perquai che las cifras d'infecziun cun il coronavirus creschan ad in crescher en Germania, ha la regenza dal pajais decidì per ils dis da Pasca il pli sever lockdown dapi l'entschatta da la pandemia. Dal 1. fin ils 5 d'avrigl duai la vita publica, privata ed economica star airi en Germania. Las autoritads speran dad uschia pudair rumper la terza unda. Decidì las mesiras drasticas han la chanceliera Angela Merkel ed ils primministers dals Bundesländer la notg sin mardi.

La Germania saja en ina situaziun fitg seriusa. Las cifras d'infecziun s'augmentian puspè a moda exponenziala, las staziuns intensivas dals ospitals vegnian occupadas adina dapli e las mutaziuns dal virus pli contagiusas sa derasian fitg svelt, ha argumentà Angela Merkel la decisiun. Il lockdown che vala gia dapi trais mais en Germania vegn perquai anc ina giada prolungà per trais emnas enfin ils 18 d'avrigl. Ils 12 d'avrigl vulan la chanceliera ed ils primministers discutar co ch'i va vinavant.

Ord l'archiv:

video
La via ord la pandemia en Germania
Or da Tagesschau dals 04.03.2021.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga