Siglir tar il cuntegn

Header

audio
Anteriur gardist Corsin Kofler sa regorda dal Papa Benedetg XVI.
Or da Actualitad dals 31.12.2022. Maletg: MAD
laschar ir. Durada: 3 minutas 19 Secundas.
cuntegn

Malencurada per Papa emerità Uschia vegn condolà per Benedetg XVI.

Suenter la mort dal anteriur Papa Benedetg datti bleras reacziuns en las raits socialas ed er da persunas che han enconuschì el.

L'anteriur gardist da la Guardia Papala Svizra, Corsin Kofler, ha fatg quint ch'i va vers la fin cun Papa Benedetg, suenter tut che era scrit en las medias. Corsin Kofler è creschì si a Riom en il Surses ed abita uss a Bulsaun en il Tirol. Da l’onn 2003 enfin 2009 era el gardist en il Vatican. Ils inscunters ed ils discurs restian ad el per adina en buna memoria.

Papa Benedetg hai jau emprendì d'enconuscher sco simpel uman, in um ponderà.
Autur: Corsin Kofler anteriur gardist

Papa Francestg undrescha Benedetg XVI.

Il di suenter la mort dal papa eremità Benedetg XVI. ha papa Francestg supplitgà durant la messa da Bumaun, d'urar per il trapassà. En la devoziun da Silvester aveva il papa Francestg undrà il servetsch da Benedetg per la cardientscha e l'oraziun.

L'uvestg da Cuira, Joseph Maria Bonnemain

L'uvestg da Cuira, Joseph Bonnemain numna l'ovra da Ratzinger «Introducziun en il cristianissem» sco decisiva per la via sacerdotala. Ed il pass bain ponderà da Benedetg, da sa retrair il 2013 – mussia zunt cler la dimensiun da la cardientscha da Joseph Ratzinger, scriva Bonnemain sin la pagina da l'uvestgieu. Benedetg XVI. saja stà in «Filosof teologic grond».

President da la Confederaziun, Ignazio Cassis

Per la Svizra scriva il president da la Confederaziun Ignazio Cassis sin Twitter: Benedetg haja chapì da cumbinar gronda profunditad intellectuala e modestadad.

RTR actualitad 17:00

Artitgels legids il pli savens