Atgnamain è l'abandun da l'energia atomara fitgà en la lescha da la Germania. Suenter emnas da dispitas politicas ha chancelier Olaf Scholz dals socialdemocrats uss decidì la dumonda, sch'i saja da stuschar l'abandun. Silmain quest enviern vegnan las trais ovras che produceschan anc energia a lavurar vinavant.
In cumpromiss per verds e liberals
Las discussiuns tranter ils partenaris da la coaliziun da regenza han durà emnas. Ils liberals vulevan mantegnair en funcziun las ovras atomaras fin primavaira 2024. Ils verds vulevan dentant mo laschar ir vinavant duas da las trais ovras, è quai era mo fin l'avrigl 2024. Il chancelier Olaf Scholz ha mess atras sulet, cun sias cumpetenzas da chancelier, la decisiun da laschar ir tuttas trais.
Il diever d'energia atomara è surtut betg popular tar ils verds. Il vicechancelier Robert Habeck dals verds ha dentant declerà ch'el possia viver cun la schliaziun.
