Siglir tar il cuntegn

Header

Navigaziun

Fotografia da la primministra da la Gronda Britannia Theresa May
Legenda: Theresa May na vul nagin cumpromiss cun l'opposiziun Keystone
cuntegn

Exteriur May refusa proposta da cumpromiss

En la dispita davart il curs dal Brexit ha la primministra da la Gronda Britannia refusà ina proposta da cumpromiss da l'opposiziun.

May ha danovamain ditg na a la pretensiun per ina uniun da duana duraivla cun l'Uniun Europeica. Ordavant aveva il schef da la partida d'opposiziun Labour, Jeremy Corbyn, tschentà tschintg pretensiuns a May. Persuenter aveva el signalisà sustegn en il parlament. Senza il sustegn da l'opposiziun smanatscha May danovamain da far naufragi en il parlament. La sortida da l'Uniun Europeica senza cunvegna fiss alura realitad.

Svizra e Gronda Britannia vulan mantegnair commerzi

La Svizra vul pudair commerziar cun la Gronda Britannia sco fin qua, er suenter il Brexit. Il minister d'economia, Guy Parmelin e ses collega d'uffizi britannica Liam Fox han suttascrit a Berna ina cunvegna da commerzi bilaterala.

Questa cunvegna garantescha da mantegnair ils dretgs e duairs en las spartas economia e commerzi tenor la cunvegna ch'exista oz tranter la Svizra e l?uE. Per la Svizra è la Gronda Britannia la sisavel gronda fiera d'export cun volumen d'enturn 11 milliardas francs.

RR novitads 06:00