A partir da mez schaner duai valair la regla da 2G enstagl da 3G. Plinavant ha il primminister Jean Castex annunzià ch'i saja davent dad immediat pussaivel da laschar far vaccinaziuns da rinfrestgament gia trais mais suenter la segunda vaccinaziun.
Tar occurrenzas culturalas e da sport vegn il dumber d'aspectaturas ed aspectaturas dadens restrenschì sin 2'000 ed en il liber sin 5'000 - quai per trais emnas. Ultra da quai ston ins durant las emprimas trais emnas dal schaner sche pussaivel, lavurar almain trais dis ad emna davent da chasa.
Tar las novas mesiras tutgan era in scumond da baiver e mangiar en ils Kinos sco er sin viadis a lunga distanzas. Plinavant datti in obligatori da mascrinas en centers da citads. Betg planisà saja però in scumond da sortir sur Silvester e Bumaun.
