Siglir tar il cuntegn

Header

cuntegn

Messa da Tschuncaisma Papa Francestg avertescha da vegnir en la trapla da prestaziun

En la messa da Tschuncaisma ha papa Francestg regurdà ils cartents e las cartentas, sco era la baselgia – d’evitar in pensar orientà a la prestaziun. Be tgi che sa confidia a Dieu, chattia sasez.

Quai na gartegia dentant betg, sch’ins prioriseschia ses projects, structuras e plans da refurma – ha ditg il parsura da la Baselgia catolica en il dom da son Peder a Roma. Il papa ha festivà la messa a l’altar grond dal dom, uschia che plirs tschient cartents han pudì far part.

Patratgs davart la Columbia

Urà ha papa Francestg da Tschuncaisma era per la glieud en la Columbia. El ha appellà als abitants ed a las autoritads dal pajais, da schliar problems che sa mussian cun in dialog. Dapi emnas patescha la Columbia da protests per part violents.

RTR novitads 12:00

Artitgels legids il pli savens

Scrollar a sanestra Scrollar a dretga