Il figl da prinzi Harry e sia dunna Meghan ha survegnì in num: Archie Harrison Mountbatten-Windsor. Uschia han ils geniturs communitgà via Twitter. Curt avant han ils geniturs preschentà lur novnaschì per l'emprima giada a la publicitad.
In titel roial sco ils geniturs – il duca e la duchessa da Sussex – na survegn il pop roial betg. Tenor ina pledadra dal palaz da Buckingham vegnia il novnaschì numnà Master Archie. «Master» è il pled englais per adressar noblamain in uffant.
Prinzi Harry e sia dunna Meghan èn vegnids ils 6 da matg per l'emprima giada geniturs.