Siglir tar il cuntegn

Exteriur Moscau insista sin coaliziun internaziunala cunter terrorissem

Malgrà che la Tirchia ha sajettà giu in aviun militar da la Russia vul Moscau ina colliaziun internaziunala per cumbatter il terrorissem.

Il schef dal Kremlin Wladimir Putin.
Legenda: Ils Stadis Unids refusan ina coaliziun militara cun la Russia uschè ditg che lezza sustegna Baschar al-Assad. Keystone

La Russia veglia «ina front lada d'anti-terror, ina colliaziun genuina», ha ditg il viceminister da l'exteriur a l'agentura da novitads Interfax. I na dettia nagina alternativa.

Provocaziun planisada

La Russia taxescha l’incident cun l’aviun sajettà giu sco provocaziun planisada da la Tirchia. Il minister suppona che la finamira saja stada da disturbar la furmaziun d’ina coaliziun internaziunala. Quai na dastgia betg capitar.

La gievgia s'inscuntran ils presidents François Hollande e Wladimir Putin per discurrer davart il cumbat cunter il terrorissem.

RR novitads 08:00