L'agenzia astronautica americana NASA ha per l'emprima giada elegì ina dunna a la testa dal program da sgols spazials equipads. Kathy Lueders vegnia a surpigliar il post da directura, ha communitgà la NASA. Lueders lavura dapi il 1992 tar la NASA ed ha avant manà il program commerzial da crew.
Lueders è sco emprim responsabla che ils dus astronauts, ch'èn partids avant var duas emnas vers la staziun spaziala ISS, returnan puspè a moda segira enavos sin terra. Ultra da quai duai ella realisar il plan da la NASA da purtar fin il 2024 l'emprima dunna ed il proxim um sin la glina.
Ord l'archiv:
video
Stadis Unids pon puspè sgular sezs astronauts en il cosmos
Or da SRF News dals 25.05.2020.
laschar ir. Durada: 5 minutas 59 Secundas.
