Nova Zelanda - Stadi d'urgenza pervi da stemprà

Suenter ch’il stemprà tropic Gabrielle è passà ha la regenza da la Nova Zelanda proclamà il stadi d’urgenza naziunal. Quai è pir la terza giada en l’istorgia dal pajais. Il ciclon ha tutgà grondas parts dal nord – tranter auter era la citad Auckland. Almain 38’000 abitaziuns sajan restadas senza forza electrica, han communitgà las autoritads. Plievgias e vents ferms avevan chaschunà gronds donns vi da chasas ed infrastructura. Experts da l’aura averteschan da novs stemprads.