Suenter che quasi tuttas vuschs èn dumbradas, vegn la partida conservativa PP dal manader da l’opposiziun Alberto Núñez Feijóo sin 136 sezs. Quai èn 47 mandats dapli ch'en las davosas elecziuns.
-
Bild 1 von 4. Il manader da la partida PP Núñez Feijóo festivescha gia la dumengia, ils 23-07-2023. Bildquelle: Keystone.
-
Bild 2 von 4. Aderents ed aderentas da la PP la dumengia. Bildquelle: Keystone.
-
Bild 3 von 4. Amez il manader da la partida Vox extremist dretga Santiago Abascal. Sia partida ha 33 mandats (perdì 19 cumpareglià cun davosas elecziuns). Bildquelle: Keystone.
-
Bild 4 von 4. La manadra da la colliaziun sanestra Yolanda Diaz. La colliaziun po tar l'emprima participaziun a las elecziuns ir per 31 sezs. Bildquelle: Keystone.
La partida socialistica dal primminister Pedro Sanchez vegn sin 122 sezs. Per ina maioritad duvrassi dentant ina maioritad en il parlament cun en tut 350 sezs.
Pudess duvrar novas elecziuns
Ils conservativs fissan pronts da far in’allianza cun la partida dretg-populistica fin extremist-dretga Vox. Dentant na tanschess er quai betg per ina maioritad absoluta. Ed autras partidas han da bell'entschatta fatg cler da betg vulair reger ensemen cun la Vox. Mo er ils socialists han tenor experts strusch schanzas da cuntinuar lur regenza da minoritad sanestra.
Sch’i na gartegia betg da furmar ina nova regenza, dovri novas elecziuns. Gia da las elecziuns il 2015 ed il 2019 hai dà ina bloccada politica, uschia ch’ina segunda runda d’elecziuns è stada inevitabla. Ils resultats da l'elecziun ha la cumissiun electorala communitgà.