Siglir tar il cuntegn

Header

purtret da la pendiculara che giascha giun plaun.
Legenda: La pendiculara è crudada a val dumengia – uss hai dà arrestaziuns en chaussa. Keystone
cuntegn

Pendiculara crudada Trais arrestaziuns suenter disgrazia al Lago Maggiore

Suenter la disgrazia da la pendiculara al Lago Maggiore da la dumengia, va la procura publica ussa suenter ad in suspect concret. Tenor l'agentura da novitads ANSA ha quella instradà ina procedura d'inquisiziun encunter collavuraturs da la gestiunaria da la pendiculara.

Medias talianas rapportan plinavant, ch'i haja dà pliras arrestaziuns pervia da sbagls da la gestiunaria. Tranter quellas persunas saja er in manager. Investigaders hajan constatà ch'in sistem da segirezza dals frains saja vegnì «manipulà», per evitar retards tar il manaschi da la pendicualra, citescha l'ANSA la procuratura publica, Olimpia Bossi.

Tar la disgrazia a Stresa èn mortas 14 persunas – sulet in buob pitschen da 5 onns ha survivì la disgrazia.

Or da la Tagesschau dals 23 da matg:

video
Tote bei Seilbahnunglück in Norditalien
Or da Tagesschau dals 23.05.2021.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga