Siglir tar il cuntegn

Header

cuntegn

Per remplazzar Ucraina Eurovision Song Contest 2023 a Liverpool

Il Eurovision Song Contest 2023 ha lieu a Liverpool, quai ha communitgà la BBC, l'emettur dal maun public da la Gronda Britannia. Il datum da la concurrenza da chant internaziunala è fixà sin ils 13 da matg.

La Gronda Britannia remplazza l'onn proxim sco pajais ospitant l'Ucraina. Il Kalush Orchestra aveva gudagnà quest onn a Turin il ESC. Per motivs da segirtad (guerra) na po l'Ucraina betg realisar il final. La Gronda Britannia è vegnida segunda ed ha offrì da surpigliar l'organisaziun. La BBC quinta che radund 160 milliuns aspectaturas ed aspectaturs sin l'entir mund guardan la show.

Igl è gia la novavla giada ch'il Reginavel Unì organisescha la concurrenza, per l'emprima giada dentant a Liverpool.

RTR novitads 21:00

Artitgels legids il pli savens