Papa Francestg ha er quest onn da venderdi sontg stuì desister da la via la crusch. Per schanegiar sia sanadad en vista a la celebraziun da la levada e la messa da Pasca, vegnia il parsura da la Baselgia catolica a persequitar la via da la crusch davent dal Vatican. Quai ha communitgà la Sontga Sedia be paucas minutas avant l'entschatta da la processiun. Radund 25'000 cartentas e cartents han persequità la processiun tradiziunala al Colosseum a Roma. Oz sonda celebrescha il papa la liturgia da la notg da Pasca e regorda a la levada da Jesus. Damaun dumengia dat el lura la benedicziun tradiziunala «Urbi et Orbi».
En Spagna dattan numerusas processiuns en l'aua
En Spagna èn bleras processiuns da Pasca vegnidas annulladas pervi da la nausch’aura. Uschia er en la citad Sevilla, nua ch’i dat mintgamai las processiuns las pli impurtantas dal pajais. Quai rapporta l’agentura da novitads tudestga DPA. La raschun sajan las statuas veglias che vegnan purtadas tras las vias. Ellas duajan vegnir protegidas da donns chaschunads da la plievgia. L’emna sontga attira mintg’onn dieschmillis da cartents e turists en Spagna.
Or da l'archiv
