Siglir tar il cuntegn

Header

cuntegn

Pfizer/Biontech Impurtant da sa laschar vaccinar duas giadas

In nov studi da l'Israel accentuescha la necessitad da sa laschar vaccinar duas giadas cunter il coronavirus cun il preparat da Pfizer/Biontech. Il ministeri da sanadad israelian ed il producent Pfizer han fatg ina retschertga naziunala cun datas dals 24 da schaner enfin il 3 d'avrigl.

Tranter 7 enfin 14 dis suenter l'emprima dosa da vaccin da Pfizer/Biontech exista in effect da protecziun da 57,7% d'ina infecziun, 75,7% da stuair ir en l'ospital e 77% da murir. Quai è il resultat d'in studi ch'è vegnì publitgà en il magasin spezialisà «The Lancet». Set dis suenter che las persunas han survegnì la segunda dosa sa reducescha la ristga sin dapli che 95%.

Pajais da model

La regenza israeliana ed il concern Pfizer han ina cunvegna per furniziuns da vaccin. L'Israel sto persuenter trametter datas da vaccinaziun e vala uschia sco pajais da model per l'analisa da datas da vaccinaziun.

Ord l'archiv

audio
Co funcziuna il vaccin da Pfizer e Biontech insumma?
ord Actualitad dals 21.12.2020.
laschar ir. Durada: 3 minutas 13 Secundas.

RTR novitads 06:00

Artitgels legids il pli savens