Siglir tar il cuntegn

Header

cuntegn

Pfizer/Biontech Uniun Europeica segirescha 1,8 milliardas dosas

L'Uniun Europeica ha segirà per ils proxims mais ulteriuras dosas dal vaccin da Pfizer/Biontech. Las duas partidas hajan suttascrit in contract per 1,8 milliardas dosas da vaccin.

La furniziun da questas spetga l'UE fin la fin dal 2023. Sco quai che la presidenta da la cumissiun da l'UE, Ursula von der Leyen, scriva sin twitter, possian uschia 70 fin 80 milliuns uffants en l'UE vegnir vaccinads. Er la Svizra ha segirà vaccins da Covid-19 che vegnan furnids davent il 2022 dal concern Moderna.

Biontech avertescha da dar liber ils patents

Il producent da vaccin Biontech na vesa betg ch'i maina a la finamira sche las patentas per quels vegnan dadas libras. Il concern vul però vegnir encunter als pajas povers tar il pretsch. Ins saja persvas ch'ins possia contribuir a la fin da la pandemia cun augmentar cuntinuadamain las capacitads da furniziun.

Perquai stoppian regenzas, producents ed organisaziun internaziunalas e naziunalas proveder communablamain ils pajais povers cun vaccins che vegnian gia furnids en las fabricas existentas.

RTR Novitads 15:00 ;

Artitgels legids il pli savens