Sia decisiun declera Andrea Nahles en ses scriver, ch'il sustegn per manar ils dus uffizis manchia. Quai haja ella udì en la fracziun da la SPD, e vitiers haja ella survegnì blers resuns or da la partida. Cun sa retrair veglia ella dar la pussaivladad a la partida, da pudair reglar sia successiun a moda ordinada, ha la dunna da 48 onns agiuntà.
En las elecziuns europeicas avant in'emna aveva la SPD stuì magunar nauschas sperditas. E las elecziuns regiunalas a Bremen èn stadas in debachel.
Andrea Nahles maina la fracziun da la SPD en il Bundestag dapi il settember 2017. Scheffa da partida è ella dapi in onn.
RR novitads 10:00
