Enstagl da puspè filtrar il plastic or da la mar, duai ins reducir la producziun da plastic. Filtrar il plastic fetschia donns a la fauna maritima. Perquai pretendan Ocean Care e la Evironmental Investigation Agency da betg pli producir tant plastic.
Tar acziuns da nettegiar la mar vegnian per part er piglià spezias protegidas sco tartarugas u squagls. Pervia dals currents en la mar sa rimna plastic ed animals savens als medems lieus. Plinavant dovrian las tecnologias da nettegiar, tranter auter èn quai dronas, roboters e filters, savens carburants fossils, e pegiureschian uschia la stgaudada globala.
Il rapport è vegnì publitgà en vista d'in inscunter da l'ONU a Nairobi davart ina cunvegna globala da producziun da plastic. En quella cunvegna saja da metter il focus sin ina reducziun da la producziun, enstagl sin nettegiar las mars.
