Il Premi Nobel da fisica va quest onn a trais scienziads: al Franzos Alain Aspect, l'US-American John F. Clauser e l'Austriac Anton Zeilinger. Els han contribuì en moda substanziala tar la perscrutaziun da fisica da quants.
L’institut da Karolinska undrescha en spezial lur prestaziuns en la perscrutaziun da fotons.
La giuria da l'institut da Karolinska scriva ch'els hajan mess il fundament per ina nova èra da tecnologia da quants. En experiments han els mussà in fenomen extraordinari: tar uschènumnads stadis cruschads da quants sa cumportan dus particlas sco ina unitad. Schizunt sch'els èn separads ed lunsch davent d'in lauter.
Dapi l’emprima surdada l’onn 1901 han fin ussa 4 perscrutadras e 214 perscrutaders survegnì il Premi Nobel da fisica – in da quels, l'American John Bardeen schizunt duas giadas.
