Ils stadis da l'Uniun europeica han nominà la Tudestga Ursula von der Leyen uffizialmain sco presidenta da la cumissiun da l'UE. Annunzià la nominaziun da l'actuala ministra da defensiun tudestga von der Leyen ha via Twitter, il president dal cussegl da l'UE, Donald Tusk.
Da nov al timun da la Banca centrala europeica duai vegnir Christine Lagarde, l'actuala scheffa dal Fond monetar internaziunal. Quai han decis ils schefs da stadi e da regenza da l'UE tar in inscunter spezial a Brüssel. Il davos pled en chapitel ha dentant anc il parlament europeic.
RR novitads 20:00