Suenter las elecziuns parlamentaras en il Principadi dal Liechtenstein han las cumissiuns electoralas dals dus circuls confermà il glindesdi a mezdi il stretg resultat. L’Uniun patriotica (Vaterländische Union) è nov la pli ferma partida. Ella ha survegnì sulettamain 23 vuschs dapli che la Partida da burgais progressiva (Fortschrittliche Bürgerpartei). Quai tar 16’000 vuschs ch'èn vegnidas dadas giu. Omaduas partidas grondas èn uschia vegnidas la dumengia sin ina cumpart da vuschs da 35,9%.
Tenor tradiziun tschenta l’Uniun patriotica uschia er il nov schef da regenza: ses topcandidat Daniel Risch. El è informaticher d'economia ed è enfin uss stà minister per infrastructura, economia e sport.
video
Situaziun da pat tar elecziuns parlamentaras en il Liechtenstein
Or da Tagesschau dals 07.02.2021.
laschar ir