Il concern-mamma da Facebook, Meta, sto pajar a l'UE in chasti dad 1,2 milliardas euros. Quai per avair violà l'ordinaziun da basa per la protecziun da datas (DSGVO). La summa è in record, il pli aut chasti da l'autoritad da datas era fin uss 746 milliuns euros per Amazon.
Meta duai esser stà participà ad ina surveglianza da massa entras servetschs secrets anglo-americans. Quai aveva il Whistleblower Edward Snowden scuvert avant 10 onns. Tenor la decisiun stoppia Meta latiers franar scadina transmissiun da datas persunalas europeicas en ils Stadis Unids. Meta ha annunzià da vulair far recurs.
