Siglir tar il cuntegn

Header

audio
Claudius Vincenz: «Il mument perda Trump segir supporters»
Or da Actualitad dals 17.06.2020.
laschar ir. Durada: 02:08 minutas.
cuntegn

Rassissem en ils Stadis Unids Claudius Vincenz: «Blers han chapì per tge ch’i va – Trump betg»

Dapi duas emnas demonstreschan ils Americans cunter il rassissem e la brutalitad da la polizia envers carstgauns cun pel stgira. La dumonda è, sche quai influenzescha era las elecziuns presidenzialas da quest atun?

Questas demonstraziuns hajan en mintga cas avert ils egls e mussà – quant impurtant ed acut ch’il problem cun il rassissem è, di Claudius Vincenz ch’è emigrà avant 30 onns en ils Stadis Unids.

Ils demonstrants na demonstreschan betg cunter Donald Trump, mabain cunter il rassissem e la brutalitad da la polizia.
Autur: Claudius Vincenzemigrà avant 30 onns da la Surselva en il Michigan

In grond problem saja ch’il president n'haja anc betg chapì per tge ch’i giaja. Ma blers hajan chapì quai, e l'agir da Trump na portia en mintga cas naginas novas vuschs per las elecziuns, declera Claudius Vincenz ch’è oriundamain d’Andiast.

Il mument perda el segir supporters.
Autur: Claudius Vincenzè docent a l'universitad da Michigan

Ma ils collegas da Trump en la politica supportian segir vinavant lez, di Claudius Vincenz. E per far ina prognosa sche questas demonstraziuns hajan propi in effect sin las elecziuns u sajan mo in trend che passia, na possian ins uss betg dir, manegia l’um da 60 onns.

RTR actualitad 06:00

Artitgels legids il pli savens

Ir a sanester Ir a dretg