Siglir tar il cuntegn

Header

audio
Per tadlar: las novitads da las 14:00
Or da RTR Audio dals 12.11.2022.
laschar ir. Durada: 3 minutas 18 Secundas.
cuntegn

Reducziun d'emissiuns Svizra e Ghana suttascrivan contract per protecziun dal clima

La Svizra e la Ghana han suttascrit in contract per in project da la protecziun dal clima. Il project duai promover ina cultivaziun da ris ch’è favuraivla al clima e ch'emetta damain metan en il pajais da l'Africa dal vest, scriva l'Uffizi federal d'ambient.

Cumpensar emissiuns en l'exteriur

La Svizra ha s'obligà da reducir las emissiuns da gas da serra cuntinuadamain. 2030 duai i anc esser la mesadad da quei ch'ins ha emess 1990. Quai è prescrit en il contract da clima da Paris. Ina part da las emissiuns, che la Svizra n'è betg buna da reducir, po ella cumpensar en l'exteriur. Quai vul ella ussa far per part en Ghana cun il project da ris.

Agricultura da ris
Legenda: Agricultura da ris a Ghana. La cultivaziun da ris è nuschaivla per il clima perquai ch'ella maina tar emissiun da metan, in gas da serra. Reuters

Nagin auter pajais dal mund haja gia realisà in tal project en il rom da la cunvegna da Paris, scriva l'Uffizi federal d'ambient. La Svizra ha dentant gia suttascrit cunvegnas per cumpensar emissiuns da emissiuns da gas cun effect da serra cun auter pajais sco il Maroc, Malawi, Uruguai e la Tailanda.

Questa politica da la Svizra da pajar pajais pli povers per cumpensar è adina puspè vegnida crititgada, ultimamain per exempel da la gasetta americana «New York Times». La Svizra paja simplamain per survegnir sin l'agen conto reducziuns d'emissiuns er sch'ella na reducescha sezza betg emissiuns.

RTR novitads 14:00

Artitgels legids il pli savens