Quai rapporta il ministeri da l'intern dal Nepal. Passa ina emna suenter il terratrembel en il Nepal èn blers anc adina senza suttetg. Las Naziuns Unidas appelleschan a la communitad mundiala da gidar.
Entant quintan ils uffizis cun almain 7'000 persunas mortas en il terratrembel e passa 14'000 blessadas.
Blers èn anc adina senza suttetg
Suenter il terratrembel èn blers anc adina senza suttetg. Las Naziuns Unidas appelleschan perquai a la communitad mundiala da gidar. I manchia almain 2 milliuns tendas, medicaments, aua e nutriment. Ed il zercladur cumenzia il temp da plievgia en il Nepal.
Per oz dumengia vegnan spetgads ils aviuns e helicopters americans. Quels ed almain 100 schuldads duain gidar a reparter la rauba d'agid – era en regiuns periferas.
RR novitads 07:00/14:00