Siglir tar il cuntegn

Header

video
Suspect da corrupziun en il parlament d'Europa
Or da Tagesschau dals 10.12.2022.
laschar ir. Durada: 3 minutas 55 Secundas.
cuntegn

Scandal da corrupziun Eva Kaili sto restar in ulteriur mais en arrest d'inquisiziun

L'anteriura vicepresidenta dal parlament d'Europa, Eva Kaili, sto restar in ulteriur mais en arrest d'inquisiziun. Quai ha decis la dretgira responsabla a Brüssel. Kaili po far recurs cunter questa decisiun.

Pretendì cunsequenzas pervi da corrupziun supponida

Il parlament d'Europa ha pretendì emprimas consequenzas tar il cas da corrupziun enturn il Qatar. La vicepresidenta Eva Kaili duai bandunar ses post sco vicepresidenta. Quai è vegnì decis a la conferenza da las presidentas e dals presidents da las fracziuns, ha communitgà la presidenta dal parlament Roberta Metsola.

Kaili sezza lascha drizzar ora entras ses advocat ch'ella saja innocenta. Ella n'haja da far nagut cun ils daners dal Qatar. Gia la fin d'emna ha la presidenta dal parlament Roberta Metsola dispensà la socialista greca da 44 onns da tut sias cumpetenzas ed obligaziuns da substituta.

Pliras arrestaziuns

Kaili è vegnida arrestada da la polizia belgia. Quai en connex cun in scandal da corrupziun enturn il Qatar. L’emirat haja empruvà da manipular decisiuns dal parlament cun corrumper represchentantas e represchentants en il parlament d’Europa. Ensemen cun Eva Kaili sa chattan trais ulteriuras persunas en arrest pervi dal suspect da corrupziun.

RTR novitads 06:00

Artitgels legids il pli savens

Scrollar a sanestra Scrollar a dretga