Siglir tar il cuntegn

Header

Sebastian Kurz.
Legenda: Sebastian Kurz: «Nus duessan sin nivel europeic discurrer tge ch'è pussaivel e tge ch'ins po rinforzar». Keystone
cuntegn

Schef ÖVP Sebastian Kurz Agir pli rigurus encunter terror da la dretga

Suenter l’attatga terroristica a Halle en Germania pretenda Sebastian Kurz, ch’ha gudagnà las elecziuns en l’Austria, in pli grond engaschi cuminaivel en il cumbat cunter extremissem da la dretga.

I dovria in agir decidì cunter neonazis ed ina meglra collavuraziun tranter ils divers acturs sin stgalim internaziunal. Quai ha ditg il schef da la ÖVP a la gasetta «Bild am Sonntag».

Per Gidieus èsi en blers lieus en l'Europa vegnì pli malsegir.
Autur: Sebastian Kurzschef da la ÖVP

Tar discurs cun represchentants giudaics saja ils davos onns adina pli savens vegnì rapportà ad el, che adina dapli Gidieus veglian bandunar l'Europa. Quai na dastgan ins betg acceptar. Ins stoppia uss agir.

En pliras citads europeicas èn milli da persunas idas sin via per demonstrar cunter antisemitissem e violenza da la dretga.

RR novitads 11:00